Zomi Innkuan Dallas - 2020 Thukhun (By-Laws)

"Khat leh khat kihuh in, khantoh nang semkhawm a, kipum khat nang"
+ Mapang khawm ni +

📋 Zomi Innkuan Dallas Thukhun 2020

1 ZID Pawllut Man

ZID pawllut man ki lalo ding a, khasim kipawlna sum (member fee):

📌 Family te $10.00, single te $10.00 ta kikhia den ding hi.
(Note: Family khat le single member fee kibang hi.)

(a) Genvai lut te in, ZID member fee kum khat ai (Jan - Dec) $120, March kha bei ma in pia hamtang ding hi. Genvai lut lo te in, ZID member fee kumlang ai $60, March kha bei ma in pia hamtang ding hi.

(b) Zi nei in nu leh pa tawh om khawm lo a, inn tuam ah a om leh ZID member fee $120 mah a tuam tuak in kila ding hi.

(c) Kawlgam pan sang kah a hong pai nasep neilo in unau laiguizom innkuan khat bel a, a om khat peuh in a om na innkuan te tawh kibang in innkuan khat in kisim ding a, $120 mah kila ding hi.

(d) Innkuan nih (or) nupa kop nih inn khat sung ah a om te pen Innkuan nih mah in kisim kisim ding a, $120 tuak khia ding hi.

(e) Single khat in sanggam innkuan te bel a, a om leh innkhat ai $120 bek mah kila ding hi.

NOTE: Uham nupa te leh cidam lo nupa te innkuan tuam in kikhen lo ding a, a om na innkuan te tawh inn khat ai $120 kila ding hi.

2 Dahna Hunte Ah Kisiatvat Zia Ding

(a) ZID member fee a khia den mi khat in, deih loh pen in hong nusiat leh ZID min in $500 tawh galna kinei ding hi.

Hih thu a tuah na pan a beisa ni (90) sung ZID member fee sum a piak kei leh galna sum $500 kipia lo ding hi.

(b) Nu leh Pa, Zi leh Pasal, sanggam laizom, tate in mundang khuadang ah hong nusiat leh, ZID in $100 tawh siatvat na kinei ding hi.

A beisa ni (90) sung ZID member fee a khiat kei leh ZID siatvat na sum $100 kipia lo ding hi.

3 Lungdam Pihna Piak Dan Ding

(a) ZID member khat in sang kah na pan gualzawhna hong ngah leh $50 tawh lungdampihna kinei ding hi.

(i) Biakna lam a niam pen Bachelor of Theology (BTH)

(ii) Kumpi lam GED pan a tungsiah degree te

📌 Note: A beisa ni (90) sungin, ZID member fee apiak leh piak loh ki en kik ding a, a piak leh $50 tawh lungdam pihna kinei ding hi.

4 Mithak Vaimuak Dan Ding

(a) Zomi mithak hong tung a om sim in ZID in, a vot dozen khat tawh vaimuakna kinei ding hi.

(b) Member fee hong piak ni a kipan in ZID member in kisang ding a, tuahun a kipan ZID member khat ii hamphatna teng ngah ding hi.

5 Media Leh Lai Khah zia ding

ZID min tawh media laikhah nuam khat peuh in EC leh Media Committee te' phalna tawh khah khia thei ding hi.

6 Dahpihna

DFW khua sung a teng, Zomi khempeuh in deih loh pen in sihna manna hong tuah leh ZID in $100 tawh dahpihna kinei ding hi.

7 Mithupi te sunsiah tuun na

Gamsung leh gam pua pan hong pai minam makaite sunsiah tunna a kibang in kipia ding a, EC te in hoih a sak bang un hong vaihawm ding uh hi.

8 Pawlsum Leitawi

ZID pawlsum leitawi kipia lo ding hi.

9 Election Day

Makai thak kitel ding ni pen, kumsim in November kha kal nihna nipi (Sunday) ni ta in Zomi Innkuan Kumcin Khawmpi tawh kibawl khawm pah ding hi.

10 President Term

• ZID President term pen kum (2) hi ding hi.

• Term (2) a kizom in sem thei lo ding hi.

• Term (1) a sep khit ciang in tel kul loh in Advisor a suak ding hi.

• Advisor term (1) a sep khit ciangin, pan mun khat peuh nei ding in, kitel thei pan ding hi.

11 Vote Piak Mawhpuak

ZID member lut mikhat in ZID kumcin khawmpi leh Makai thak ding kitel na a kibawl sim in pelh lo in pai a, Vote piak ding a mawhpuak a hihi.

12 Mapan khop Theih Ding Te

ZID ah mapankhop theih na ding te:

(a) Zomi pilna, siamna leh ki it na lam ah khan toh nang

(b) Zomi nam ni leh Khuado pawi bawl nang

🤝 Hih te ah sum hong kidon ciang piak khiat na tawh mapang khawm kim ciat ding mawh puak ih nei hi.

⚖️ Thukhun Tangthu: Hih Thukhun pen Zomi Innkuan Dallas kipawlna in 2020 kum in kipuah pha a, tuciang ih thukhun kip suak lai in, Zomi Innkuan Dallas in ih zuih ding ih mawh puak a hihi.

🏛️ Zomi Innkuan Dallas

2020 Thukhun (By-Laws)